Mayor Konektá – Polítika di Privasidat

Bo datonan ta importante pa nos. E polítika di privasidat aki ta stipulá nos maneho pa e kolekshon, uso i divulgashon di datonan personal den e uso di Mayor Konektá.

Por fabor lesa e polítika di privasidat akí kuidadosamente. Dor di ‘download’ òf usa e aplikashon, bo ta konfirmá di ta informá tokante e kolekshon i uso di datonan personal relashoná ku e polítika akí. Nos lo no usa òf kompartí bo datonan personal ku niun hende eksepto manera e ta deskribí den e polítika di privasidat akí.

E términonan usá den e polítika di privasidat aki tin e mesun nifikashonnan ku den nos términonan i kondishonnan, a ménos ku ta definí otro den e polítika di privasidat akí.

E Polítika di Privasidat akí ta traha konforme e ordenansa Nashonal di protekshon di dato personal di Kòrsou.

Kontroladó di dato

Parenting for Lifelong Health (PLH), Ministerio di Desaroyo Sosial, Labor i Bienestar (SOAW) i UNICEF Hulanda ta determiná huntu e propósitonan i medionan di e prosesamentu deskribí den e aviso akí i pues konhuntamente ta fungi komo partidonan responsabel bou di lei.

Adrès di PLH: Barnett House, 32 Wellington Square, Oxford, OX1 2ER, Reino Uni Adrès di SOAW: Bon Bini Business Center, Schottegatweg Oost, Willemstad, Kòrsou Adrès di UNICEF Hulanda: Bezuidenhoutseweg 74, 2594 AW Den Haag, Hulanda

Ki informashon e aplikashon ta kolektá tokante di bo i kon nos ta us’é?

Nos ta kolektá solamente datonan ku ta adekuá, relevante i no eksesivo relashoná ku e propósitonan di prosesamentu.

Pa e propósito di e polítika di privasidat akí, ‘datonan personal’ ta nifiká kualke informashon ku ta permití nos identifiká un individuo, direktamente òf indirektamente. Nos ta kolektá dato di e siguiente manera:

Detayenan personal (nòmber; fam, lugá, organisashon);
Dato di registro (adrès IP, nòmber di aparato)
Usuarionan lo kolekrtá nòmber, number di telefòn, edat i sekso di e dunadónan di kuido. Nos ta kolektá tambe informashon tokante e kantidat i edat di bo yunan ku, sinembargo, no ta un dato personal.

Kategorianan di datonan personal prosesá:

Datonan personal
Detayenan di kontakto
Dato di registro
òf kualke otro dato personal nesesario pa afirmá òf defendé derechonan di un hende den prosedimentu sivil, atministrativo òf penal

Propósitonan di prosesamentu:

Proveé e Aplikashon i sosten (pa proveé e Aplikashon i sosten di edukashon familiar inkluso komunikando ku bo ora bo tuma kontakto ku nos). E base legal ta e realisashon di un kontrato, esta e Términonan i Kondishonnan
Mantenshon di registronan tékniko pa seguridat i stabilidat. E base hurídiko ta interes legítimo
Kolektá detayenan di dunadónan di kuido pa fasilitashon di programa. E base hurídiko ta interes legítimo
Protehá nos derechonan i interesnan den kaso di demanda. E base hurídiko ta interes legítimo
Hasi anáisis i investigashon estadístiko ku datonan anónimo. Prosesamentu di komentario – bo por duna nos komentario riba e Aplikashon. Semper nos ta anonimisá bo informashon personal ora di kompartí i publiká bo komentario. E base hurídiko ta interes legítimo.

Base Hurídiko:

Kumplimentu di un kontrato, esta e Términonan i Kondishonnan
Interesnan legítimo pa protehá nos derechonan i interesnan i pa garantisá aktualisashon i eksaktitut di kontenido di e Aplikashon

Periodo di retenshon di dato:

Nos ta retené datonan personal no mas ku ta nesesario pa e propósitonan pa kua a kolektá nan i en todo kaso no mas ku kuater (4) aña despues di bo último uso di e Aplikashon, a ménos ku obligashonnan legal ta rekerí otro.
Kaminda ta kolektá dato di dunadó di kuido indirektamente dor di fasilitadónan, nos lo informá e dunadónan di kuido di e kategorianan di dato ku a kolektá, e propósitonan pa prosesamentu i nan derechonan di akuerdo ku artíkulo 26 di e ordenansa Nashonal protekshon di dato personal..

Kompartimentu di informashon i dunadónan di servisio di terser parti i wèpsaitnan

Lo por kompartí bo bo datonan personal ku terser partidonan manera investigadónan i partnernan enbolbí den e mehorashon òf implementashon di e Aplikashon inkluyendo esnan pafó di bo pais. Promé ku e divulgashon di informashon na partnernan ku ta hasi investigashon nos lo hasi e informashon anónimo. Lesando e polítika di privasidat akí, bo ta rekonosé ku nos lo usa bo datonan anónimo den investigashon publiká.

Kaminda ta transferí datonan personal pafó di bo pais, nos ta sòru pa e destinashon duna un nivel di protekshon adekuá. Si no, nos ta dependé di Klóusulanan di Kontrato Standart òf un otro protekshon permití bou di Artíkulo 64 di e ordenansa Nashonal di protekshon di dato personal.

E Aplikashon ta sostené pa terser partidonan debidamente outorisá ku por kolektá bo datonan personal pa por duna nan servisio. Nos ta hasi esaki pa e siguiente motibunan:

Pa proveé e Aplikashon na nos nòmber;
Pa duna servisio relashoná ku e aplikashon; òf
Pa asistí nos den analisá nos den kon e Aplikashon ta wòrdu usá.

Lenknan pa e polítikanan di privasidat di dunadónan di servisio di terser parti ku e Aplikashon ta usa:

E Aplikashon akí por kontené lenknan pa otro wèpsaitnan ku no ta kubri pa e polítika di privasidat akí. Si bo klek riba un lenk di terser partido, lo bo wòrdu dirigí na e wèpsait ei. E polítika di privasidat aki ta konta solamente pa e prosesamentu di bo datonan personal dor di e Aplikashon akí. E no ta atendé i nos no ta responsabel pa, e privasidat, informashon, òf otro práktikanan di kualke terser partido, inkluyendo kualke terser partido ku ta operá kualke wèpsait òf servisio na kua e Aplikashon aki ta lenk na dje.

Tur prosesadó di terser partido ta kontraktualmente mará na konfidensialidat bou di artíkulo 12 di e ordenansa Nashonal di protekshon di dato personal i mester implementá seguridat konsistente ku artíkulo 13 di e ordenansa.

Kuantu tempu nos ta warda bo datonan?

Nos lo keda ku bo informashon personal pa e periodo ku bo sigui usa e Aplikashon i ku bo tene e Aplikashon instalá riba bo telefòn i mientras ku nos mester di dje pa kumpli ku nos propósitonan, inkluyendo kualke proposito relashoná ku servisionan di Aplikashon i tambe rekisitonan legal, di kontabilidat òf di reportahe. En todo kaso, nos lo no prosesá bo datonan durante 4 aña despues di bo último uso di e Aplikashon.

Kon nos ta tene bo datonan sigur?

Nos ta balorá bo konfiansa den duna nos bo informashon personal, pues nos ta hasi esfuerso pa usa medionan komersialmente aseptabel pa proteh’é. Nos ta reservá e derecho riba e almasenahe di bo datonan riba “servernan” òf “data bases” di terser parti pafó di e lista di e tim di Mayor Konektá (referí na e sekshon riba Proveedornan di Servisio di Terser Parti i Wèpsaitnan) ku ta proveé medidanan di seguridat ku ta kumpli ku leinan i regulashonnan di privasidat aplikabel.

‘Cookies’ ta archivonan chikí ku ta warda dato, hopi bia usá pa warda informashon spesífiko di usuario. Nan ta permití wèpsaitnan i aplikashonnan pa rekuperá e informashon wardá akí loke ta permití un eksperensia di usuario mas personalisá i efisiente.

Ta prosesá ‘cookies’ di estadístika a base di interes legítimo i nan ta anonimisá. ‘Cookies’ tékniko ta nesesario pa funshonamentu di e Aplikashon i no por desakitva esaki nan.

Nos ta usa un kantidat di servisio di terser partido (wak sekshon relevante mas abou) pa sostené e funshonamentu di e Aplikashon. Nos ta usa ‘cookie’ di terser partido pa medio di Firebase i GlitchTip i ‘cookie’ di promé partido pa medio di Matomo. Pa resumí, ‘cookie’ di promé partido ta di Mayor Konektá, i ‘cookie’ di terser parti ta bini di otro kaminda manera deskribí.

Pa mas informashon tokante e maneho di ‘cookie’ wak akí abou:

Nos ta usa ‘cookie’ pa e siguiente propósitonan: Funshonalidat (asina yamá “’cookie’ tékniko”). No por desaktivá e tipo di ‘cookie’ akí ya ku e ta hasi posibel e funshonalidat di e Aplikashon; Análisis (asina yamá “’cookie’ di estadístika”). E tipo di ‘cookie’ akí ta hasi posibel análisis di bo eskohonan i komportashon pa propósitonan estadístiko. Ta agregá e datonan i ta hasi nan anónimo.

Bo tin e opshon pa ahustá konfirgurashonnan di bo ‘browser’ pa rechasá tur ‘cookie’ òf ‘cookies’ spesífiko di ‘browser’ òf pa notifiká bo ora wèpsaitnan inisiá òf aksesá ‘cookie’. Pa aparatonan ‘android’ mester hasi esaki riba e aplikashon di google chrome. Kòrda, desaktivashon di ‘cookie’ por afektá e funshonalidat di wèpsaitnan òf aplikashonnan di wèp, ya ku nan por ta dependé di e ‘cookies’ akí pa funshonnan esensial.

Privasidat di Mucha

E Aplikashon ta destiná pa adultonan. Si menornan ta usa e Aplikashon, por prosesá nan datonan solamente ku konsentimentu di un representante legal di akuerdo ku artíkulo 5 di e ordenansa Nashonal protekshon di datonan personal. Nos no ta kolektá informashon personalmente identifikabel di personanan bou di 18 aña a ménos ku nos tin e konsentimentu di un representante legal.

Bo derechonan di protekshon di dato

Bou di lei di protekshon di dato, bo tin derechonan inkluyendo:

Bo derecho di akseso – Bo tin e derecho di pidi nos kopianan di bo informashon personal.

Bo derecho riba rektifikashon – Bo tin e derecho di pidi nos pa drecha informashon personal ku bo ta kere no ta eksakto. Tambe bo tin derecho di pidi nos pa kompletá informashon ku bo ta kere ta inkompleto.

Bo derecho di eliminá – Bo tin e derecho di pidi nos pa eliminá bo informashon personal den sierto sirkunstansianan.

Bo derecho di kita konsentimentu pa prosesamentu di dato na kualke momento – Bo por skohe pa stòp e prosesamentu di bo datonan si konsentimentu tabata e base legal pa manehá bo informashon.

Bo derecho riba restrikshon di prosesamentu – Bo tin e derecho di pidi nos pa restringí e prosesamentu di bo informashon personal den sierto sirkunstansianan.

Bo derecho di oponé prosesamentu – Bo tin e derecho di oponé prosesamentu di bo informashon personal den sierto sirkunstansianan.

Bo derecho riba portabilidat di dato – Bo tin e derecho di pidi pa nos transferí e informashon personal ku bo a duna nos na un otro organisashon, òf na abo, den sierto sirkunstansianan.

Bo no ta obligá di paga ningun kosto pa ehersé bo derechonan. Dependiendo di e sirkunstansianan i e naturalesa di bo petishon kisas no ta posibel pa nos hasi loke bo a pidi, por ehèmpel, kaminda tin un rekisito statutario òf kontraktual pa nos prosesá bo datonan i e lo no ta posibel pa kumpli ku nos obligashonnan legal si nos lo mester stòp. Mas informashon tokante bo derechonan ta optenibel serka e Komité di Supervishon di Protekshon di Datonan Personal.

Bo por ehersé bo derechonan (akseso, korekshon, eliminashon, opheshon, restrikshon, portabilidat) dor di tuma kontakto ku: [email protected]. Nos lo kontestá denter di kuater siman, manera ta rekerí bou di artíkulo 27(1) di e ordenansa Nashonal protekshon di dato personal. Nos por pidi informashon adishonal pa verifiká bo identidat.

Tumamentu di Desishon Outomatisá

E Aplikashon no ta tuma desishonnan ku tin efektonan legal òf signifikante basá solamente riba prosesamentu outomatisá.

Kita e aplikashon

Nos diskulpa si bo no ta haña nos aplikashon útil mas. Si bo disidí di kita nos Aplikashon, nos por retené algun di bo datonan (ounke anónimo) pa solushoná problema, yuda den investigashonnan, kumpli ku rekisitonan legal òf pa agregá na nos sètnan di dato di investigashon eksistente. Kitando e aplikashon no ta outomatikamente eliminá datonan personal wardá, di akuerdo ku e rekisitonan di retenshon legal.

Kambionan na Polítika di Privasidat

Nos por aktualisá nos polítika di privasidat de bes en kuando. Nos lo notifiká bo di antemano di kualke kambio supstansial ku lo tuma lugá. Por fabor revisá e página aki periodikamente pa kualke aktualisashon.

Tuma Kontakto Ku Nos

Si bo tin kualke pregunta òf sugerensia tokante nos polítika di privasidat òf términonan i kondishonnan, no duda pa tuma kontakto ku nos na [email protected].

Si no ta atendé ku bo bo preokupashonnan adekuadamente, bo tin e derecho di entregá un keho na e Komité di Supervishon di Protekshon di Datonan Personal bou di Artíkulo 48 di e ordenansa Nashonal di protekshon di datonan personal. Bo por tuma kontakto ku nan via [email protected]